ລັດວິສາຫະກິດ ການບິນລາວຮູ້ສຶກເປັນກຽດຢ່າງຍິ່ງ ທີ່ໄດ້ຮັບຄຳເຊີນເພື່ອເຂົ້າຮ່ວມງານວາງສະແດງ ແລະ ແລກປ່ຽນສຶກສາຮ່ວມມືກັບຂະແໜງອຸດສາຫະກຳຈີນ-ລ້ານຊ້າງ-ແມ່ນ້ຳຂອງ, ເຊິ່ງໄດ້ຈັດຂຶ້ນໃນລະຫວ່າງວັນທີ 21-24 ສິງຫາ 2024 ທີ່ຜ່ານມາ. ລັດວິສາຫະກິດການບິນລາວ ແລະ ວິທະຍາໄລເຕັກໂນໂລຊີອາຊີບກຸ້ຍໂຈ່ວ ສາຂາເຕັກໂນໂລຊີ ແລະ ຂໍ້ມູນຂ່າວສານ ຈຶ່ງໄດ້ຮ່ວມລົງນາມເຮັດບົດບັນທຶກວ່າດ້ວຍການຮ່ວມມື ໂດຍສອດຄ່ອງກັບຄຳໝັ້ນສັນຍາຂອງພວກເຮົາ ທີ່ຈະກ້າວໄປສູ່ການພັດທະນາຊັບພະຍາກອນມະນຸດ. ການບິນລາວຂໍສະແດງຄວາມຂອບໃຈເປັນຢ່າງສູງມາຍັງ ມະຫາວິທະຍາໄລ Guizhou ສໍາລັບການເຊື້ອເຊີນ ແລະ ສົ່ງເສີມຄວາມຮ່ວມມືທີ່ສໍາຄັນນີ້.
